勇士昨日主場對湖人,憑王牌射手史堤芬居里攻入24分,並交出9次助攻,以111:77怒炒對手,16戰全勝刷新聯盟最佳開季成績!不少球迷都希望入場見證歷史誕生,令今仗波飛炒高1倍,平均票價773美元(約6,000港元),創出勇士近5年主場常規賽單場最高票價紀錄。

勇士王牌居里(30號)繼續有貨交。(法新社圖片)

勇士昨日一開賽就火力全開,單節打出一段30:11的攻勢,殺客隊一個措手不及。雖然居里今場手感一般,外圍12射只得4中,但多次入楔剷籃得手,攻入全場最高24分。雙方於比賽末段見勝負已分,更齊齊收起正選,勇士終以34分大勝湖人。

14射僅1中 高比輸波賴隊友

開季16仗未輸過的勇士,打破華盛頓國會(已解散)於1948至49球季,以及火箭於1993至94球季保持的15連勝紀錄,造出聯盟最佳開季成績。今仗零失誤的「咖喱仔」居里說:「創造歷史係一種好特別嘅成就,但唔代表我哋會82場波都打得咁好。」湖人老將高比拜仁全場14射僅1中,連罰球只得4分進帳,連累球隊吞下4連敗。「小飛俠」賽後暗示球隊表現差勁因隊友幫唔到手:「我今場可以入80分,不過即使係咁,對賽果唔會有咩影響囉!」

今場「歷史之戰」亦創出勇士近5季主場常規賽單場最高票價紀錄,美國售票網StubHub發言人表示,勇士常規賽票價321美元,今仗被炒高至773美元,足足貴1倍有多,這價錢更只會在季後賽首兩輪出現,可見球迷不惜代價入場見證歷史一刻。

居里近季名利雙收,近日更豪花320萬美元(約2,480萬港元),於加州奧克蘭市附近的豪宅區核桃溪,買下一棟8千平方呎的大宅。新居除有5間套房外,另有一個迷你影院、一個桌球室、一個可儲存2,300支酒的酒窖及

酒吧。