歐陽耀冲寫下香港足壇新一頁！昨晨舉行的葡甲聯賽，葡體會造訪奧漢倫斯一戰，前南華球員「歐冲」於70分鐘後備落場，這是繼黑池的張子岱後，相隔53年再有香港球員在歐洲賽場亮相，實在令香港球迷感動，有網民更抵死表示：「比登陸月球更偉大！」

葡甲港腳 歐陽耀冲

葡甲首度登場

激動興奮需時間平靜

雖然葡體會今仗完場前失守被對手逼和1:1，而且球隊亦早已篤定下季降落乙組作賽，但「歐冲」能夠首度在歐洲賽場上陣，絕對畢生難忘。穿上89號球衣的歐陽耀冲賽後心情激動，並於自己fb上載一件球會Polo恤的相片（左）留言：「仍然好激動好興奮！腦入面充滿住唔同感覺！呢一年以嚟嘅回憶、汗水都充斥着，思緒好混亂好攰，畀啲時間等我平靜一下先！」不少網民皆留言支持「歐冲」，同時替其首次於歐洲賽場上陣感到高興。昨晚他接受越洋訪問時表示：「覺得自己第一次出場踢得唔錯，印象最深刻就係一次同『鬼佬』進行『五五波』對抗，本來以為自己輸梗，點知撞一撞竟然贏咗，證明呢一年努力冇白費！」

1942年成立的葡萄牙體育會，今季有2名華人球員在陣，除了香港中場歐陽耀冲，還有一名來自中國大陸的後衞鍾毅。

網民反應

•東山奈央：後備上陣都好呀#yup#

•77789211：感動過港隊拎東亞運

•拉吸：賽果已經唔重要，仲偉大過登陸月球

•Deulofeu27：件波衫後面睇有啲似港隊