「面具俠」復出打殘MVP！因面骨骨折缺陣了3仗的康利，昨日復出攻入全場最高的22分，並且將勇士主將史堤芬居里的影響力減至最低，率領灰熊作客以97:90擊敗勇士，將總場數扳平至1:1平手，勁掃出爐MVP居里興！

康利（前）出番嚟，灰熊當堂唔同晒。（法新社圖片）

灰熊追番1:1

剛當選常規賽最有價值球員的居里，昨於賽前獲頒發MVP獎座，之不過「咖喱仔」的鋒芒就被康利完全蓋過。剛完成面部骨折手術的康利，前日依然感到頭痛及不斷嘔吐，但昨仗紮住上有超水準演出，雖然全晚只上陣27分鐘，但憑出色防守令居里3分球僅11中2，全場得19分進帳，加上於末節剩餘2分13秒射入關鍵3分波，並在完場前50秒一記靚絕助攻得手，成為灰熊贏波的最大功臣。

另據《印城星報》透露，提早抖暑的溜馬球星保羅佐治捐出1萬美元，為1位腦癱病童添置醫療器材，可謂善心爆棚。