雷霆昨日公布壞消息，主將杜蘭特（KD）由於康復進度未如理想，暫時要停止所有籃球活動，更有可能要提早收咧！不過，雷霆昨仗對東岸「一哥」鷹隊時，「二少」韋斯布克再次挺身而出交出「三雙」數據，個人今季第9次食出「大三元」，帶領球隊贏波之餘更再次與一眾名宿「睇齊」。

雷霆 123:115 鷹隊
睇嚟韋斯布克（右）一個打晒都冇問題。（美聯社圖片）

騎士 95:92 溜馬
占士（右）率領騎士闖進季後賽。（法新社圖片）

雷霆今季多災多難，先有大前鋒伊巴卡接受完手術長抖，上場又有中鋒簡達傷出，昨日再傳出杜蘭特因右腳疼痛，被迫中止隨隊訓練，更要停止所有籃球活動。雷霆總經理於記者會上透露，KD康復進展未如理想，更暗示他可能會提早收咧，這對正在爭取季後賽入場券的雷霆實屬壞消息。

騎士殺入季後賽

幸好雷霆還有韋斯布克，「二少」昨日主場對東岸「一哥」鷹隊時，貢獻36分、10個籃板及14次助攻，帶領雷霆以123:115「劈落」鷹隊取得兩連勝。今次亦係韋斯布克今季第9次造出「大三元」，冠絕聯盟之餘，「二少」亦是過去50季，第3位球員能夠單季造出4次得分「35+」的「大三元」，另外2人分別係名宿米高佐敦（6次）及奧斯卡羅拔臣（5次）。單靠韋斯布克獨力支撐大局的雷霆，明晨將於主場迎戰同樣為季後賽席位努力的熱火。

另邊廂，騎士昨仗主場有占士射入29分，協助球隊以95:92擊敗溜馬，取得主場15連勝的同時，亦正式鎖定季後賽參賽資格。