高比手刃木狼賀得分超越波神
高比拜仁超越「波神」,打入得分榜前3!湖人王牌高比拜仁昨晨作客木狼一仗,雖然手感麻麻,但仍轟入26分,助球隊以100:94贏波取得3連勝之餘,第2節射入罰球更令他超越偶像「波神」米高佐敦(MJ),躍居累積得分榜第3位,比賽更即時暫停讓全場職球員逐一恭賀「小飛俠」,認真畀面!
比賽特登暫停,全場一齊恭賀高比仔。(法新社圖片)
高比仔射入呢球罰球後總得分正式超越佐敦。(法新社圖片)
別注版夜光波鞋
聯盟累積得分榜Top 5
周一戰果
NBA常規賽周三秩序
高比今仗開賽前與MJ在累積得分榜只相差9分,今場要超越該名公牛名宿應無太大難度。不過,「小飛俠」今戰手感一般,上半場10次起手僅3球中鵠,但屢次博犯規得以在罰球線搶分,他在第2節剩5分鐘一次剷籃被侵犯後兩罰皆中,射入職業生涯第32,293分,正式在累積得分榜超越MJ,成為史上累積得分第3。球賽因此一度暫停,好讓「小飛俠」接受雙方職球員及球迷的祝賀,木狼班主格蘭泰萊親手將比賽用籃球交給「小飛俠」,盡顯其巨星地位。
佐敦 占士發祝賀
木狼在第4節一度將比分拉近至1分,不過湖人靠高比在完場前1分鐘射入關鍵3分波,終以6分之差擊敗主隊。聯盟眾球星都紛紛於Twitter恭賀高比拜仁,「大帝」勒邦占士更形容高比為「活傳奇」。
NIKE即推別注版波鞋
「波神」亦發聲明祝賀高比:「恭喜高比達到呢個里程碑,佢係一位偉大嘅球員,最令人欣賞嘅地方係佢敬業樂業嘅精神,同對籃球嘅熱誠。我好期待睇佢會繼續有新突破。」至於高比的波鞋贊助商NIKE於他升上累積得分榜第3位後,即於官網推出別注版夜光波鞋,售價為245美元(約1,899港元)。