艾榮一着新鞋便化龍，率騎士豪取5連勝！騎士「三巨頭」之一的艾榮（Uncle Drew）昨日於作客紐約人一戰着上新戰靴，即時大發神威狂轟37分，率球隊以90:87贏波，連勝紀錄改寫至5場。Uncle Drew優異演出令隊友「大帝」勒邦占士都變成小Fans，賽後更大讚其表現令人嘆為觀止！

艾榮（前）喪入37分，睇嚟對新鞋幾利佢。（法新社圖片）

NBA常規賽周日秩序

周五戰果（前者主場；賽果僅供參考）

艾榮昨日穿上Nike為他推出的個人波鞋「Kryie 1」，即時有上佳表現，全場18投12中狂轟37分，令「大帝」都要做配角，並將最後一次攻勢的控球權交給Uncle Drew。這位22歲控衞亦不負所託，面對紐約人後衞森柏特的緊貼防守，仍能以速度壓過對手，射入致勝一球。勒邦占士雖不是今戰的主角，仍交出19分、12次助攻，賽後更稱讚艾榮的表現：「艾榮今場真係打得好，每次需要攞分嘅時候，佢一定會入波，佢今場為球隊注入唔少活力。」

高比 朗度 賽前密斟

另邊廂，塞爾特人控衞朗度昨日與湖人王牌高比拜仁在雙方對賽前一日，於波士頓市內一間餐廳共進早餐，有網民拍得照片即時於網上瘋傳。部分網民更指湖人欲以首輪選秀權及拿殊的合約換取朗度，與朗度甚為友好的高比借今次對賽機會游說老友，要他向塞爾特人「逼宮」離隊。

其實朗度今季後將成為自由身，湖人大可等到季尾才出手搶人，用不着急於一時三刻，將今夏從火箭手中得來的首輪選秀權用作交易籌碼，使得重建計劃有變。