1.足球流氓：俄國足球流氓、種族歧視問題嚴重，即使係應屆俄超冠軍莫斯科中央陸軍上季曾因種族歧視問題，前後兩次畀歐洲足協處罰，加上國內不時發生球壇暴力事件，令唔少球迷卻步。數據顯示俄超場均入場人數得1.3萬人，遠低於其他歐洲聯賽。

2.版圖龐大：雖然俄羅斯已經集中晒主辦城市喺國內西部，但由於俄國版圖龐大，11個城市之間距離唔近，葉卡捷琳堡同加里寧格勒更相距超過2,500公里，各地交通連接未必能應付到龐大人流。另外俄方喺今年索契冬奧嘅基建只係準時交貨，令人擔心佢哋要同時處理多個城市基建設施難免力不從心。

3.缺乏新星：俄羅斯球壇近年缺乏新星，佢哋今屆嘅世盃大軍名單更清一色選用土炮球員，間接反映其球員未能喺歐洲主流賽事立足。而且俄軍所在嘅H組對手唔算太強，但最終3戰不勝出局，令人擔心俄國會步南非後塵，成為令一支分組賽畢業出局嘅東道主球隊。