快艇球員昨日於季後賽第4戰作客勇士賽前，以扔衫方式向身陷種族歧視醜聞的班主史達寧（Donald Sterling）作出無聲抗議，據了解，他們更將會在Game 5開波前發表正式聲明。

格芬（右）戴黑手帶着黑襪落場。（法新社圖片）

周一戰果

NBA季後賽周三秩序

Game 5返主場發正式聲明

由於班主史達寧與女友鬧交時的對話帶有種族歧視成分，快艇球員日前於球隊會議中曾經提議罷賽，以示抗議，雖然最後仍選擇出戰，不過他們賽前熱身時將印有隊名的長袖衫扔在場中央，練習時將波衫反轉穿着，以及比賽時於左手戴黑色腕帶、穿黑襪，藉種種行為表達內心的不滿。

教練李華士被問及球員的行動時說：「知道佢哋會咁做，但我冇出聲，老實講，依家軍心不穩，我冇心情討論佢哋點抗議，不過講到尾，佢哋有權做自己想做嘅事。」快艇球員今仗無心戀戰，相反，勇士的史堤芬居里（Stephen Curry）就射入7球3分波，貢獻33分助球隊以118:97大炒快艇，將總場數追成2:2平手。據報，快艇將會在明早主場對勇士賽前，發表正式聲明，向史達寧表達心中強烈的憤慨。（now635台周三早上10:30直播）