鐵漢柔情普波維治！馬刺教練普波維治（Gregg Popovich）一向對傳媒訪問都是一句起、兩句止，但昨日主場對小牛時，接受代替患病父親「上陣」的Craig Sager Jr.訪問時，滔滔不絕回答小Sager問題之餘，又祝老Sager盡快康復，最後馬刺亦以90:85贏波，季後賽首圈暫以場數1:0領先。

柏臣斯（左）Fade Away避開艾迪列治（右）封阻。（美聯社圖片）

NBA季後賽周三秩序

馬刺險勝小牛

美國電視台TNT的NBA名記Craig Sager日前證實患上白血病，無法到場邊採訪。小Sager昨日在馬刺對小牛一戰臨危受命代父「上陣」，在第4節開始前訪問普波維治。這位「鐵帥」一反常態有問必答，最後更向小Sager說：「你做得好好，不過我都係想你爸爸喺場邊多啲。Craig，我哋好掛住你，快啲返嚟，我應承你對你我會Nice啲。快啲好番！」其後普帥更將一封親筆慰問信託小Sager轉交他父親。好心有好報，馬刺憑鄧肯（Tim Duncan）攻入27分，主場以90:85力挫小牛。

紐約人炒教練團

拓荒者昨日也憑艾迪列治（LaMarcus Aldridge）攻入隊史季後賽紀錄的46分，作客加時以122:120擊敗火箭。至於東岸巫師作客爆冷以102:93擊敗公牛，雙方明日於公牛主場續戰（now635台周三早上9:30直播）。今年季後賽首圈有5支排名較低的球隊奪得首勝，成為季後賽史上第一次。

另邊廂提早抖暑的紐約人，昨晚宣布解僱包括教練活臣在內的整個教練團，決心重建球隊。