近日美國傳媒不停借溜馬戰績下滑大做文章，昨日更傳出球隊內訌，兩大主將保羅佐治（Paul George）與希拔（Roy Hibbert）因為玩3P鬧翻！雖然傳出不和醜聞，但並未影響溜馬表現，該隊昨日收起正選仍能作客以104:102擊敗公鹿，重奪東岸「一哥」席位。

溜馬（右）及時振作，擊敗公鹿搶番東岸榜首。（美聯社圖片）

NBA常規賽周六秩序

周四戰果

NBA排名榜

嗒追星族嘈起上嚟

美國八卦網站《Page Q Sports》爆料，指溜馬近期表現低迷，主要原因是隊中兩大球星因為床事鬧翻所致。報道中的知情人士透露：「希拔同保羅佐治（PG24）喺3月擊敗爵士後，同一個叫Dixie嘅追星女子玩3P，玩到最後佢兩個竟然嘈起上嚟，最終仲反埋面，球隊都因為兩人不和士氣大減。」

報道又指大衞韋斯（David West）日前向外界透露，希拔同保羅佐治依家已經變得貌合神離：「佢兩個嘢又唔講，打波又唔合作，其實不和呢啲事間唔中都會發生，最緊要唔好影響隊波，好心佢兩個唔好咁小學雞啦！」

東岸榜首戰明撼熱火

幸好，溜馬主帥禾高（Frank Vogel）昨日在對公鹿一戰中，讓一眾正選球員休息，由後備球員上陣，最終成功以2分之差險勝對手，重返東岸榜首，賽後禾高指球隊近期表現不佳，所以希望讓主力抖抖叉電，並明言正選球員明日將在作客熱火一戰上陣，誓要贏波保住東岸榜首席位。（now635台周六早上7:30直播）