籃網2014年谷底反彈殺入季後賽!今季前半段表現失準的籃網,進入2014年表現強勁,昨日憑得分主力祖莊遜(Joe Johnson)攻入全場最高32分,主場以105:96擊敗火箭,於東岸排名升上第5更成功鎖定季後賽資格,成為聯盟史上第3支「逆轉球隊」。

祖莊遜着晒火,射入32分擊落火箭。(美聯社圖片)

周三戰果

NBA排名榜

NBA常規賽周五秩序

105:96挫火箭

「億萬大軍」籃網在主場擊敗火箭,將主場連勝紀錄改寫成14場,刷新隊史紀錄,並讓他們提早取得季後賽的參賽資格。進入1月前,籃網戰績10勝21負,傳媒及球迷都質疑這支球隊的戰力及教練傑特(Jsaon Kidd)的領軍能力,就連祖莊遜都對球隊進入2014年的「大逆轉」覺得難以置信:「老實講,我真係睇唔到球隊有咁大改變。我只係知我哋最終會向正確方向前進。新年之後,成班波心態唔同咗,打法都變得唔一樣。」籃網成為帝王(1985/86球季)、騎士(1984/85球季)後,第3支進入1月時勝率不到5成仍能打入季後賽的球隊。

至於火箭現時正面對傷兵潮問題,正選中鋒「超人」侯活因腳踝有傷而無法上陣,昨日更兩度抽積水,今日作客速龍一戰亦不能上陣。