高比從商誓成新一代商業大亨！因傷患要收「咧」的湖人巨星高比拜仁（Kobe Bryant）昨日宣布成立Kobe Inc.，並已經與運動飲品公司開始合作大計。不過，高比稱開公司並非因為自己職業生涯已到黃昏，而是在家「煲劇煲到悶」，要「搵嘢做」充實生活！

高比與運動飲品公司Bodyarmor合作，更做埋生招牌宣傳。

湖人（左）輕鬆擊敗「魚腩部隊」魔術。（美聯社圖片）

周一戰果

NBA常規賽周三秩序

從運動飲品入手

高比拜仁昨日接受《ESPN》訪問時，稱一直都有意從商：「我由2002年開始已經有咁嘅構思，不過嗰時冇確實去做。依家因為傷勢問題，所以我多咗時間喺屋企，但講真，煲劇煲得多都會悶，而且除咗睇劇之外，我會諗，我仲可以做啲咩呢？」

35歲的高比自稱，從成功轉型的兩大名宿「波神」米高佐敦（Michael Jordan）及「魔術手」莊遜（Earvin Johnson）身上得到啟發，將會從運動飲品入手，創立自己的商業王國。

見湖人總監想再攞總冠軍

高比亦在訪問中自爆，近日與湖人總監占美巴斯（Jimmy Buss）見過面。他稱今次會面十分重要：「占美同我嘅對話好重要，一嚟湖人係佢哋家族生意，而我由17歲起一直効力湖人，都好想見到球隊得到成功，今次對話最重要係大家得到共識。」他明言自己想再次衝擊總冠軍，才會與占美巴斯表達希望球隊可以在下季反彈的意願。

另外，湖人昨日主場迎戰東岸「魚腩部隊」魔術，憑佐敦希爾（Jordan Hill）攻入全場最高28分，以103:94擊敗客隊。