湖人今季飽受傷病煎熬,最近甚至要搵助教湊夠腳練波已經夠癲,陣中王牌加素(Pau Gasol)更於《馬卡報》親自撰文數臭「紫金兵團」無情無義,湖人目前可算一鑊粥!

加素在《馬卡報》數臭湖人。

NBA常規賽周三秩序

周一戰果

「炒魷都唔預先通知」

連同高比拜仁(Kobe Bryant)及拿殊(Steve Nash)等主力在內,湖人目前起碼有5名十字軍,日前進行隊內對抗操練時更出現「唔夠腳」情況,竟要出動37歲助教麥臣(Mark Madsen)落場戥腳。前湖人教頭積遜(Phil Jackson)亦乘機「抽水」,指湖人陷控衞荒,皆因球隊頻用控衞打單擋,明顯將茅頭指向主帥迪安東尼(Mike D'Antoni)。

除此之外,王牌加素昨日更在《馬卡報》親自寫Blog發炮,文中先提到「你唔會想喺同屋企人睇緊音樂劇嘅時候Check手機,睇吓自己有冇被交易」,又指「好似沙尼威廉士(Shawne Williams)呢啲好球員,唔應該係最後一個先知自己被炒魷嘅人」,擺明插會方無情無義!陣營立立亂的湖人,明早主場恭候昨日以80:124大敗給帝王的騎士,仍難言穩勝。

(now678台周三早上11:30直播)