熱火前鋒勒邦占士（Lebron James）可謂公認度最高的NBA球星之一，但據《邁阿密哨兵報》稱，「大帝」昨日領軍作客魔術，賽前一晚去酒吧睇大學美式足球賽時，竟然被工作人員查身份證。

占士（前）咁嘅樣都畀人查身份證，真係難以置信。（美聯社圖片）

NBA常規賽周二秩序

周日戰果

交準三雙輕取魔術

身為俄亥俄州大學美式足球隊球迷的勒邦占士，於賽前一晚在球隊下榻的賓館酒吧觀看Orange Bowl的賽事，當時大肆張揚，難怪當被查身份證時當場驚呼：「你冇睇到我啲鬍鬚咩？」「大帝」更於昨日對魔術賽前向媒體自爆這件瘀事：「好耐冇遇到呢啲事，哈哈。」不過，勒邦占士於對魔術的開局表現差勁，令現場記者即時於Twitter說道：「唔通侍應喺占士杯嘢度『加咗料』，搞佢到今日比賽都瞓唔醒？」「大帝」其後找回狀態，最終貢獻「15+8+8」的「準三雙」，協助球隊客場以110:94輕取魔術。

勒邦占士更因連續527場常規賽得分達雙位數，超越傳奇巨星摩西斯馬龍（Moses Malone）排史上第四位。至於輸波的魔術明早將作客快艇，自然希望終止連敗。

（中央5台及廣東體育周二早上11:30直播）

另邊廂，雷霆憑杜蘭特（Kevin Durant）攻入今季新高48分，加上木狼的路夫（Kevin Love）於最後的三個反勝罰球皆射失，最終雷霆作客以115:111反勝木狼，成功終止兩連敗。