NBA下季大革新，東西岸一家親？NBA今季出現西強東弱情況，將於明年接替史端（David Stern）出任總裁的代理執行官阿當施華（Adam Silver）日前爆料，聯盟競賽委員會正考慮未來取消分區制度。不過，現任主席史端則唱反調支持保留，呢鋪新舊「揸弗人」大對決，NBA前景立立亂呀！

塞爾特人（綠衫）是目前大西洋區冠軍，但勝率只有45.5%。（美聯社圖片）

NBA東西岸積分榜

NBA常規賽周四秩序

周二戰果

眾所周知NBA除東西岸外，還有6個分區賽區。接照現行規定，獲得分區冠軍的球隊，不論戰績如何，至少能保證獲得東西岸前4。例如現時10勝12負的塞爾特人，由於是目前大西洋區冠軍，所以於東岸排第四，而10勝11負的活塞只能排第五。今季西強東弱的局面非常明顯，東岸迄今只有溜馬、熱火及鷹隊的勝率達5成以上，而塞爾特人的戰績若移至西岸計算，竟只能排於倒數第4，因此引發業界人士熱烈討論季後賽種子的設定方式。更有人建議取消分區制，單由戰績決定東西岸最終排名。

史端唱反調支持舊制

將於明年2月1日接任總裁的阿當施華日前接受《今日美國》訪問時表示：「我哋要重新審視現有嘅制度，以前根據球隊賽程同地理位置而設立嘅分區制，係為咗提高比賽競爭性，但我唔肯定呢種制度依家仲有冇用。」阿當施華表示，聯盟競賽委員會於下次會議會討論這個問題。

不過，現任總裁史端則回應：「作為球迷，我會更關心嗰啲入唔到季後賽嘅球隊係咪有首輪選秀權，會唔會喺選秀揀到好球員。我認為呢啲球隊會有極大潛力同好有睇頭。」小牛老闆古班（Mark Cuban）亦贊成現時的分區制，認為製造球隊間對抗有助門票銷售。史端今次公開反對候任總裁阿當施華，明顯不滿後者未上任便「指指點點」，擺明未放自己在眼內，未知此事會否影響兩人之後的交接與及合作。

另外，拓荒者尋日作客輕取爵士，同時祝賀大前鋒艾迪列治（Lamarcus Aldridge）今季第2度成為西岸每周最佳球員。