公牛官方宣布戴歷羅斯（Derrick Rose）已於當地時間周一早上，於芝加哥進行右膝半月板修復手術，據報手術非常成功。戴歷羅斯之後更與護士合照，心情似乎不錯，遺憾的是，「牛魔王」今個常規賽宣告提前收咧。

冇羅斯在陣的公牛（紅衫）對住爵士又輸。（美聯社圖片）

半月板撕裂可選擇兩種手術，一種是直接切除，大約只需幾星期就能傷愈復出，但職業生涯會縮短；另一種是將它重新接上，這可能需要4至6個月的康復期，羅斯與公牛為長遠計，決定選擇後一種的手術方式。

公牛失魂4連敗

公牛主帥泰保杜（Tom Thibodeau）為羅斯感到非常難過，因為「牛魔王」之前為復出付出很多：「我同佢傾咗好耐，佢精神狀態睇落唔錯，佢最擔心係隊友同球隊，所以我哋為咗唔令佢擔心，現時目標只有贏波，希望球員會完成任務。」雖然目標清晰，但公牛球員似乎仍未重拾心情，球隊昨晨作客戰至加時以83:89不敵爵士遭逢4連敗，明早去到活塞主場隨時繼續沉淪。（開賽時間：周四早上8:30）