Marco職業賽威水史 註：＊為排名賽事

帶病破近6年錦標荒、Marco「神奇小子」變「Wonder爸」！香港「天王」傅家俊昨於澳洲公開賽克服病魔，憑較佳把握及穩健的防守，加上愛女「包包」及時趕回家「發功」，最終以9:6擊敗佔主場之利的臨時世界「一哥」羅拔臣，贏得職業生涯第2個排名賽冠軍，繼07年後再嘗捧盃滋味！Marco太太Shirley賽後表示「開心到想喊」，會煲定愛心靚湯慰勞老公，還大爆「包包」「興奮到嘔奶」，認真搞笑！

Marco職業賽威水史 註：＊為排名賽事

決賽逐局睇 註：（）內為「起迫」度數

傅家俊奪冠之路

連日來被重感冒纏身的傅家俊，前晚「啪藥」後終於「瞓番覺好」，昨面對羅拔臣不落下風，即使「遠枱」準繩度稍遜，但整體得分能力不俗，防守更見出色，經第一大節頭8局比併後以5:3領先，Marco中場休息時更有興致玩微博，向粉絲「報告」「先吃個麵」，反映其心情輕鬆，並未有太大壓力。

囡囡返家發功即贏兩局奠勝

進入第2大節，傅家俊手風仍順，一度拋離至7:4，雖然羅拔臣奮力頑抗追至6:7，但此時「包包」剛出完街回家，及時睇直播，又不斷拍打iPad為「爹哋」助威，Marco果然連下兩城奠勝，「邪到你唔信」，他最後一局更「起迫」102度完美埋齋封王，相隔69個月後再次高舉排名賽冠軍獎盃，並袋走7萬澳元（約49萬港元）獎金。

傅家俊榮譽獻妻女

35歲的傅家俊自去年榮升做爸爸後，事業重登高峰，繼2月德國大師賽奪亞後，今次在「袋鼠國」更搔6年之癢，Marco接受長途電話訪問時表示：「我要把榮譽獻給家人，尤其是老婆和囡囡，但希望下一個錦標毋須再等6年之久！第一次贏排名賽（07年）感覺好特別，今次就是對自己實力的肯定，同樣難忘和高興。」

至於身在香港的Shirley就說：「好開心、好想喊！『包包』望到爸爸捧盃一刻，突然High到勁拍部機（iPad），然後就嘔奶了，哈哈哈……不過，美中不足是自己和『包包』不能在現場分享喜悅，但我們明（今）晚會去接機，而且我已經煲定藥療湯水給Marco，希望他盡快病愈。」奪魁後臨時世界排名連跳5級彈上第13位的Marco，今晚凱旋返港。