歷克楊格
溝女除咗要有計，仲要好似我咁靚仔！

隨着灰熊「二打六」龐德斯達（Quincy Pondexter）約掂田納西州小姐，NBA正刮起一股twitter溝女潮，76人「壞孩子」歷克楊格（Nick Young）決定照辦煮碗，透過twitter喪追出爐加州小姐冠軍Mabelynn Capeluj，昨日更成功結識這位大美人，連「嫌疑毒犯」都得米，證明「龐德斯達溝女法」使得喎！

歷克楊格
溝女除咗要有計，仲要好似我咁靚仔！

NBA東西岸季後賽形勢 截至6月1日

龐德斯達於上星期透過twitter追女仔，憑着一句「邊位贏咗今屆田納西州小姐冠軍？」引起「女神」Chandler Lawson注意，2人從而展開交談並開始約會，羨慕死一眾籃壇戰將。正所謂「橋唔怕舊，至緊要受。」眼見連「大茄」龐德斯達都得米，知名度更高的歷克楊格亦有樣學樣，前日獲邀上《ESPN》節目時展開追女攻勢，面對鏡頭大叫：「加州小姐，想唔想同我傾吓偈？」

迪安迪佐敦有樣學樣

來自洛杉磯的歷克楊格及後又透過twitter撩女，直接問Mabelynn Capeluj「咩環境？」豈料即獲對方回覆：「Hey！我剛到拉斯維加斯為全美小姐作準備工作，你呢？」場外負面新聞不絕的歷克楊格，去年底才被控吸毒及強姦，堪稱NBA「壞孩子」，今次能否贏得美人歸實屬未知數，不過兩大籃壇「大茄」都成功透過twitter識女，一班快艇球員已表明想跟風，中鋒迪安迪佐敦（DeAndre Jordan）更豪言：「以我嘅知名度，照計可以比龐德斯達及歷克楊格結識到更多美女！」