學打波戰術，睇馬刺啦！

十年人事幾番新，更何況一支球隊經歷十載，轉變在所難免，但像馬刺般骨幹仍在就甚為少見，要和伴侶及好朋友保持長久關係是高深學問，當然緣份亦佔重要因素。馬刺是一支低調平實的隊伍，球迷揀波睇永遠不會將馬刺當做首選，只是想學打波及戰術調動的話，睇馬刺肯定獲益良多！

普波維治融合三巨頭

老大哥柏加（Tony Parker）技術出眾但從不獨食，真路比利（Manu Ginobili）即使獲獎無數亦要「屈就」第6人角色，鄧肯（Tim Duncan）年屆36歲依然當打皆因懂得保養，三巨頭在普波維治（Gregg Popovich）執教下合作得天衣無縫，關鍵在於大家互相體諒及私生活檢點，為奪冠放下身段作無私貢獻。

相信大多數球迷都睇好熱火成功衞冕，包括筆者在內，然而14年來4奪總冠軍殊不簡單，馬刺絕對值得球迷尊敬，小弟即使票在熱火，心仍繫馬刺！