決賽tweet量勁過選總統

巴爾的摩烏鴉昨於超級碗歷盡艱辛，縱然賽事一度停電兼被49人追到氣咳，但最終仍以34:31險勝封王，時隔13年再奪超級碗！今場「兄弟打吡」戰情高潮迭起，引發2,410萬條twitter留言破盡紀錄。

鍾斯喪跑108碼達陣

昨仗首個高潮出現於第3節初段，當時外接手鍾斯喪跑108碼避開重重攔截達陣成功，追平NFL史上最長距離的開波回攻達陣紀錄，並帶挈烏鴉以28:6領先49人。此時球場突然停電，有傳是半場表演環節耗電過大，亦有傳舊址為墳墓的Superdome球場鬧鬼，不過NFL聯盟一直未有給予停電理由。

經過34分鐘緊急維修後賽事重開，49人一度將雙方差距收窄至2分，但最終依然難挽敗局，輸31:34收場，近6次於超級碗首度落敗。據twitter賽後公布，今場超級碗在停電期間每秒有超過23萬個tweet（留言），短短一場波更有破紀錄的2,410萬條留言，比起美國總統奧巴馬去年11月連任時的2,300萬個相關留言更勁。

劉易斯重提謀殺案

烏鴉四分衞法拿高憑3記達陣傳球當選MVP，但風頭明顯不及戰罷今仗便退役的劉易斯勁。賽前獲運動贊助商贈送黃金戰砵的「雷神」，臨完場已經激動到淚流披面，捧走職業生涯第2個超級碗的劉易斯賽後表示：「2000年捲入謀殺案，上帝證明我係清白，依家又再送多個超級碗畀我，真係好開心！」