巴特治疑協助強姦一身蟻
巴特治捲入強姦案一事有新進展！受害女學生昨日現身受訪證實，該名籃網中鋒雖然沒有參與強姦她，但就全程做「花生友」袖手旁觀，炮轟巴特治的冷血行為！懷疑協助強姦的巴特治一旦罪成肯定一身蟻，不過這個麻煩友就繼續淡定：「我一啲都唔擔心！」
受害人現身炮轟
費城四季酒店本周三爆出強姦案，涉案的巴特治及兩名友人已被帶返警署問話，21歲的受害人昨日接受《ABC》電視台訪問時，披露當晚事發經過，直指巴特治「見死不救」：「我應該畀佢哋落咗藥，當時我全身冇晒力，先後畀兩個人強姦，但我見到巴特治一直企喺房門口『睇好戲』，一路都冇出手阻止。」
據《紐約每日新聞》透露，費城警方已抽取女事主血液樣本，是否曾被落藥要等待進一步化驗結果，有美國球迷就於討論區指巴特治雖然冇強姦，但根據女事主的說法，該位籃網球員當晚明顯擔任「天文台」角色，幫忙「睇水」，協助強姦案進行。
巴特治昨日向《ESPN》揚言「未驚過」：「單案仲查緊，我唔方便講太多，不過等警方查個水落石出之後，大家就知我清白，一班籃網隊友都信我冇做過。」
