侯活救巨人

傳統中鋒瀕臨絕種，杜域侯活帶頭做「保育」！隨着今屆NBA全明星賽改制，將中鋒及前鋒名額融合，定位愈趨模糊的傳統中鋒逐漸「冇碇企」，「超人」貴為聯盟中鋒代表當然要「做啲嘢」，這位湖人球星最近就拍攝搞鬼短片，發動球迷透過網上簽名支持，拯救瀕臨絕種的「巨人」！

熱火去季以「無中鋒陣」勇奪總冠軍打破傳統陣式觀念，當今大前鋒如保殊、大衞李爾、加納特及史杜迪米亞等都可兼任中鋒位置，令4、5號位界線愈來愈模糊，加上近年具星味中鋒少之又少，故此聯盟決定將全明星投票改制，擺明當中鋒透明。

明星賽大前鋒中鋒一齊選

有見及此，杜域侯活帶頭「保育」，拍攝一段名為「Save The Centers（拯救中鋒）」短片，除了以黑白照片方式回顧奧尼爾、伊榮、奧拉祖雲及姚明等一代經典中鋒之餘，更於片中表現「插甩花」、「3分大針」及彈鋼琴等「絕學」，以搞笑形式吸引大眾注意。

「超人」表示：「其實包括我在內嘅中鋒，都可以好似後衞咁多才多藝，全明星賽廢除中鋒名額真係好過分，不過你哋可以打電話或者瀏覽thecentercenterforcenters.org留底支持說話，令聯盟正視問題，拯救我哋呢班中鋒！」

杜域侯活今季轉投湖人後表現反覆，要幫傳統中鋒挽面子，當然要打好波，明早率領「紫金兵團」造訪東岸魚腩巫師，讓4.5分要上盤。（now678台周六早上8:00直播）