養一個細路要400萬？做父母唔講錢講承擔！

「養一個細路要400萬」這是「珊珊」多年前在一個銀行廣告中的經典對白，時至今日仍是不少家長的討論話題，不過「風之媽」認為養育孩子不應計較幾多錢，最重要是父母要肯承擔、有責任，小孩子亦應自小學好理財，勿做「大花筒」！

自小灌輸理財觀念

「呢條數唔係我計出嚟，係一位專家講嘅。」「珊珊」再次澄清「400萬言論」：「做阿媽唔會去計較400萬、500萬定600萬，當兩夫妻或者一男一女決定生BB時，就要負責任，唔能夠畀個細路自生自滅，咁好自然就想培育佢，唔好講成材，起碼唔好令社會多一個負累。」

現今社會很多父母都為子女準備教育基金，「珊珊」一樣有為兩個囡囡安排，同時自小在生活上灌輸理財觀念：「好多時我哋會去Supermarket，預先Plan好買乜嘢，等佢哋去搵去揀，不單只係比較價錢，品質同其他條件都要比較，而且從小就話畀佢哋知爸爸做嘢搵錢好辛苦，唔可以亂花錢，家姐會明白多啲，有時會捨棄唔買心頭好，但阿妹仲細，未識。」她又自爆曾嘗試給予女兒零用錢，但效果不算理想：「大女會全部儲起嚟，唔捨得用，點知連筆錢都唔見埋！」