夏登 雷阿倫 愈蒲愈醒神
今季轉投熱火的雷阿倫日前為球隊絕殺金塊後，即夥同隊友往夜店狂歡。小休一晚的「雷神」昨晨面對太陽繼續爆發，貢獻15分將總得分推至23,003分里程碑。不過講到夜蒲，又豈能缺少夏登，日前他首度在休斯敦出擊幫襯一所脫衣舞夜店派錢，盡情狂歡莫非係為明晨出戰金塊補充「能源」？
「雷神」 落夜店勁多女Fans
別以為雷阿倫一把年紀，其實一樣喜愛夜蒲。據知日前在金塊之役完成絕殺，助熱火反勝後，他便與隊友查馬斯及祖爾安東尼齊往邁阿密一間名為「夢想」的夜總會「慶功」。雷阿倫甫現身即成全場焦點，吸引大批熱情女Fans爭相合照。夜蒲叉足電後，雷阿倫在昨日面對太陽之戰攻入15分、6個籃板及6次助攻，總得分更進佔現役球員第4位，助熱火以124:99輕勝。
另邊廂，據美國八卦媒體Terezowens報道，被交易到火箭約一星期的夏登，原來已對休斯敦夜店非常熟路，並在日前抽空光顧！當地一位脫衣舞女郎Jasmine Taylor便在twitter留言多謝夏登：「漫長嘅一晚，不過感覺好正，多謝占士夏登。」她同時上載一張有幾捆銀紙的相片，相信係小費，大約有數千美元，認真大手筆。
火箭明早主場戰金塊
Terezowens得知占士夏登在脫衣舞夜店玩樂後當然要「抽水」一番：「咪睇占士夏登初嚟埗到，簽咗肥約嘅佢唔單止球場上爆發，場外亦表現強勢。」曾經有人擔心占士夏登這位「夜店達人」經常夜蒲會影響比賽狀態，不過看來這種夜生活對他絕無影響，他上周更當選西岸最佳球員。經過這次夜蒲「加油」，火箭明早將於主場迎戰金塊，讓3.5分當然繼續撐上盤啦！（now635台周四早上9:00直播）
雷阿倫加盟熱火後持續有好表現。（法新社圖片）
