山貓接收基爾基士堤冇運行
山貓去季常規賽贏得7場慘成聯盟笑柄，季前又離奇抽輸狀元籤與安東尼戴維斯擦身而過，惟有退而求其次揀選「AD」的肯塔基大學戰友基爾基士堤（MKG）。大學表現好不代表能夠於NBA立足，近屆NBA榜眼亦冇個掂，基爾基士堤及山貓隨時攬住一齊死！
近年榜眼多水貨
自07年的杜蘭特之後，打後幾屆榜眼都似乎「冇乜料到」，09年的泰亞拔、11年的戴歷威廉士完全不配榜眼身份，10年的埃文特納亦只是在去季尾才「有啲嘢睇」，初登NBA的小前鋒基爾基士堤於季前賽無貨交之餘更喪失正選席位，榜眼魔咒似乎會延續下去。反觀拓荒者就執到「筍嘢」，季前以第6順位揀中控衞列拿特，美媒預測此子有力與狀元安東尼戴維斯爭逐最佳新秀。
基爾基士堤（右）表現差勁。（美聯社圖片）