戴歷羅斯型戰3巨頭

東岸大戰爆發，熱火明早硬撼公牛合演東岸冠軍前哨戰，賽前雙方齊齊造勢，戴歷羅斯一身潮Look登上《GQ》雜誌封面，另邊廂熱火三巨頭的超巨型雕像亦已經曝光，究竟「牛魔王」勁定「大帝」醒？明早自有分曉！（now635台及廣東體育周五早上8:00直播）

羅斯恨做平凡人

自米高佐敦之後，戴歷羅斯成為首位登上《GQ》封面的公牛球員，一系列潮相昨日曝光，無論西裝斯文Look、悠閒靚仔Look抑或背心粗獷Look羅斯一樣Carry到，可塑性相當高。這位去季常規賽MVP接受《GQ》訪問時坦言，至今仍未習慣大球星生活，最希望可做回平凡人，出街不會被球迷認出就最Perfect！

被問到經常被拿作與「波神」比較會否感到壓力，羅斯表示：「與其話係壓力，倒不如話係前進動力，每當我喺電視同雜誌睇住佢展示冠軍指環，都對我有種激勵作用，令我有種帶領公牛重拾昔日光輝嘅使命感。」

熱火主場上盤抵博

戴歷羅斯做封面人物，熱火三巨頭就更巴閉！1間位於佛羅里達州勞德代爾堡的電子遊戲機製造商，目前正為占士、韋迪及保殊製作20呎高的超巨型雕像，完工後所擺放的位置仍未決定，但遊戲機製造商老闆就希望邀得「大帝」光臨，為雕像進行揭幕儀式。

據美媒近日作出的模擬MVP競選顯示，雷霆球星杜蘭特暫時領先，自視甚高的占士當然不是味兒，為作最後拉票取悅一眾傳媒，明早定必全力以赴打殘公牛。考慮到羅斯傷愈後仍未重拾狀態，小前鋒鄧格手腕傷又未康復，愈戰愈勇的熱火可秤先，主場讓3.5分宜捧上盤。