前NBA球星馬貝利喺CBA輸波發爛渣打人？効力北京隊嘅馬貝利前晚領軍作客山西輸波，賽後離場往隊巴期間，同通道旁叫囂嘅球迷衝突。事後一名叫曹雷嘅21歲太原學生投訴畀馬貝利以水樽扑頭，再用腳蹬佢，之後引發山西球迷圍攏大巴，要求馬貝利落車道歉。雖然馬貝利否認打人，但山西省太原市公安局介入調查後，就確認佢曾手揮水樽，曹雷驗傷後證實頭皮血腫同左下顎角軟組織受傷！