5冠巴塞榮膺最佳團隊
雖然新世代球王美斯失落最高榮譽的最佳男子運動員大獎，但其實在今次勞倫斯頒獎禮中，足球界依然是大贏家，「地上最強」巴塞隆拿獲選為最佳團隊，英格蘭名宿卜比查爾頓與巴西名將萊爾則分別奪得終身成就獎及公益獎。
在01年贏得所參加6項大賽中其中5項冠軍的巴塞，最終力壓女子世界盃冠軍日本女足，將最佳團隊獎項留在西班牙。出席頒獎禮之前，巴塞會長羅素爾等人更獲英國首相卡梅倫邀請往唐寧街10號會面，羅素爾亦相當識做，向卡梅倫送上一件巴塞波衫。
費Sir代卜比Sir領獎
另外，獲得終身成就獎的紅魔鬼傳奇卜比查爾頓，因為要接受割膽石手術，臨時缺席頒獎禮，要由曼聯領隊費格遜代領獎項。費Sir表示：「卜比Sir身體已經冇問題，佢為缺席頒獎禮感到好失望，但我會拎番個獎去奧脫福畀佢。」