為兩個轆考4個轆

平常人在港考車牌「一take pass」僅需半年，但對陳振興來說，卻花了8年光陰；兩個月前終於取得車牌的他，笑稱終於為這「漫長考試」鬆一口氣。

考8年先Pass

02年在港報考車牌，筆試合格後，一直在港未有時間學車，陳振興笑說：「每次返香港僅得幾天時間，根本不能完成最少30小時的學車課程。」今年初「山地興」終獲教練沈金康批准，抽空回港學車，首次路試因企圖衝黃燈「肥佬」後，7月中的「重試」終於Pass。

「拖了多年，考到了終於鬆一口氣，初時最擔心是第2次再考唔到會被朋友笑，現在成個人放鬆晒。」雖然辛苦考到車牌，但仍未有買車打算：「在香港唔打算買車住，只希望出外到歐洲比賽時，識得揸車可以分擔一下教練的工作。」最後，考車牌原來都是為了單車，難怪「山地興」拖足8年都堅持要學車啦！

估唔到揸四個轆會難到陳振興。