超級老婆助Marco勇闖第14季

夫妻同心、其利斷金！傅家俊本周四返英「開工」，展開第14個職業賽季、亦為婚後首季生涯，聰明能幹的Shirley夫唱婦隨，以「超級保母」角色陪伴老公搏殺，即使身兼多職「乜都一腳踢」，但她自言好Enjoy，只希望幫到Marco再攀事業高峰。

司機秘書……一腳踢！

傅家俊一向視太太Shirley為幸運星，事實上，兩人今年5月結婚後，Marco場外廣告不絕，除擔任AVIVA保險代言人外，還成為Aquarius水動樂等的商業活動搶手貨，場內亦有突破，日前夥拍馮國威取得世界盃4強佳績，看來傅太相當「旺夫」呢！

還不只！Shirley在Marco婚後第一季更要兼任「終身經理人」，「職務」包括司機、保母、訂機票、廚師、工人、會計、秘書、游泳教練、心理醫生、形象指導……嘩！犀利人妻呀！「其實我係超級打雜，哈哈哈……」一臉幸福的傅太透露：「Marco冇咗經理人公司，一時之間Handle唔到咁多嘢，所以暫時由我分擔，雖然繁忙又瑣碎，不過我做得好開心，最緊要令佢無後顧之憂去比賽。」Shirley強調待老公一切Settle後會另覓工作，為自己事業打拚！

Marco則表示婚後可以更專心，新一季目標重返世界Top16行列，還有爭取排名賽冠軍。傅家俊8月4日將出戰上海大師賽外圍賽，然後參加3至4項PTC（球員巡迴賽），留英約1個月才回港。