鄭麗莎爭健體小姐6連冠
應屆世界冠軍兼亞洲冠軍「蜘蛛女」鄭麗莎，本周日將會在灣仔伊利沙伯體育館出戰一年一度的全港健美錦標賽，力求開創歷史實現健體小姐「6連冠」。為求成功「冧莊」，Lisa透露今次將會以從未公開過的「索爆」金色造型亮相，FANS記得萬勿錯過。
今屆賽事共設有11個項目，當中賽會更新增設男子組，命名為健身先生，至於Lisa參加的則是健體小姐項目。過去參賽5年均從未失手的她，自去年10月奪得世界健體小姐後，已為這次全港錦標賽作準備，她更放棄了競逐同期進行的華南賽。
期望香港順德開餐廳
Lisa每年參賽都會在衣着上為觀眾帶來驚喜，她坦言今年都不會例外：「我想畀啲神秘感覺給觀眾，所以唔想透露太多，呢個idea係我自己諗出嚟，大家一定會覺得好新鮮。」此外，為求奪得好成績，Lisa近一個月已開始採用自訂以雞蛋為主的「女王餐單」控制飲食，務求能以最佳身形出賽。
本周日再度踏足伊館，是Lisa自奪世界冠軍後首次在香港觀眾面前亮相，其在城市大學及香港專業進修學院所教導的學生，更會組成打氣團撐場。Lisa另外再透露未來目標，有意自創個人品牌，並期望在香港及順德開設健美中心及餐廳，試闖一番事業。
鄭麗莎成屋都係出賽戰衣。
每次出賽前，都要化個靚妝。
有靚戰衣之餘，又點少得一對靚戰鞋。