禾爾變身拳王單挑伊高斯卡斯！
NBA常規賽戰「火」連連！昨日賽事異常火爆，出道以來予人謙謙君子形象的約翰禾爾，突然變身拳王單挑7呎3吋的伊高斯卡斯，令賽事陷入大混亂兼有3名球員被逐；同日，兩位「大茄」積克及費南迪斯亦初則口角，繼而動武，險令黃蜂對拓荒者一戰開大片！
巫師昨於主場迎擊熱火，戰至第2節3分12秒，熱火「長人」伊高斯卡斯遭禾爾緊纏下開(月爭)，禾爾隨即向對方施展右勾拳還擊，兩人繼而扭作一團。禾爾隊友麥基隨即上前將兩人分開，豈料卻遭熱火老將祖雲侯活推撞，情況混亂不堪，一度令比賽暫停接近10分鐘。
衝動被逐累巫師負熱火
經幾名球證翻看重播後，決定將熱火的伊高斯卡斯、祖雲侯活及巫師的禾爾驅逐離場，令本身實力差一截的巫師陷入劣勢，熱火隨後憑三巨頭勒邦占士、韋迪及保殊合力轟入94分，作客以123:107大勝巫師。
麥基幫拖撩交打唔成熟
賽後巫師球星禾爾公開道歉，指自己因鹵莽被逐連累球隊，至於隊友麥基就憤憤不平：「伊高斯卡斯明恰細路（禾爾），祖雲侯活亦唔係好人！」美媒《Hoopshype》則炮轟麥基不夠成熟：「風頭火勢麥基仲扮大英雄，撩祖雲侯活打交，睇得出佢嘅籃球智慧有幾低。」
另邊廂，基斯保羅貢獻11分及12次助攻，率領黃蜂主場以95:91勇挫拓荒者。由於雙方仍要為季後賽資格搏命，故此戰況及氣氛皆非常緊張，兩位後備「大茄」包括黃蜂控衞積克及拓荒者射手費南迪斯更因一次犯規講手，若非艾迪列治及謝勒華萊士兩位「大隻佬」將兩班球員分開，情況將不堪設想。