原定日本時間昨午2時舉行的排位賽，受到暴雨影響三度延遲，直至3時18分，終宣布改於當地時間今晨10時舉行。據當地統計，由昨午12時起計3小時內，共錄得多達26毫米雨量，整個賽車場變成澤國，24位曾出試的車手，就只得阿古蘇利與確克能完成計時。在暴雨下，車手與車隊職員亦懶得為戰車進行調節，轉而嬉戲打發時間，更甚是在賽場跑道上「放船仔」。
咸美頓唔敢踩油門
對於賽會將排位賽延期，眾車手均表態支持，其中在周五試車環節遇上意外，急需熟習戰車與賽道的麥拿侖「黑帝」咸美頓無奈地說：「真係好恐怖，我揸咁耐F1都未遇過咁嘅場面，我根本唔敢踩盡油門，一半都唔得。」紅牛的維度爾則解釋：「行外人未必明白，我哋架車得600至700公斤，係街車重量嘅一半，加上車架相當貼地，大雨時就會同滑水板一樣，根本唔到我哋控制。」
F1目前尚餘四站，韋伯、阿倫素、咸美頓、維度爾與畢頓五人為目前僅餘尚有爭標機會的車手，最多相差25分，日本站成績事關重大。根據預測，當地今日天氣雖有改善，但仍大有可能是雨中作賽，加上排位賽結束與正賽舉行僅相距4小時，各車隊要將戰車調節至理想狀態，將是極大考驗。
04年打風延遲排位
在周五試車錄得全場第2快時間的韋伯亦未敢太過樂觀：「我鍾意接受挑戰，但喺咁嘅情況比賽，係睇彩數多過考驗車手技術。我哋通常喺排位後會花6小時去商討點準備比賽，今次就唔得，依家只好望臨場天氣好轉，減少變數啦！」
F1對上一次將排位賽延至賽日舉行，恰巧又是鈴鹿站賽事，話說在04年一屆受颱風影響，排位賽與正賽均安排在周日舉行。當年出賽車手之中，有9人今次又再遇此情況，當中更包括當年以頭位封王的德國車神舒麥加。
排位正賽今日一take過
韋伯•紅牛
國籍/年齡：澳洲/34歲
排名/積分：第1/202分
今季戰績：4冠2亞2季
簡評：憑RB-6「神速」威力已奪4站冠軍，餘下4站若不犯大錯仍是奪魁大熱。
總冠軍賠率：2.75倍
阿倫素•法拉利
國籍/年齡：西班牙/29歲
排名/積分：第2/191分
今季戰績：4冠2亞1季
簡評：季尾氣勢一時無兩，連贏意大利及新加坡站後「飆」上次席，追剩11分。
總冠軍賠率：3倍
咸美頓•麥拿侖
國籍/年齡：英國/25歲
排名/積分：第3/182分
今季戰績：3冠3亞1季
簡評：對上兩站連環犯錯「上岸」，如不改善「狼死」作風，恐怕難收復失地。
總冠軍賠率：7.5倍
維度爾•紅牛
國籍/年齡：德國/23歲
排名/積分：第4/181分
今季戰績：2冠2亞3季
簡評：今季7度排頭位，惟在正賽經常失魂出錯，看來依然未具「冠軍相」。
總冠軍賠率：4.3倍
畢頓•麥拿侖
國籍/年齡：英國/30歲
排名/積分：第5/177分
今季戰績：2冠3亞
簡評：作為衞冕總冠軍今季轉投「銀箭」表現平庸，逆轉機會不大。
總冠軍賠率：17倍
F1日本站資多啲
時間：今午2:00
賽道：鈴鹿
賽道總長：307.573公里（53圈）
最快圈速：1分31秒540（拉哥倫/05年）
近3屆冠軍：維度爾/紅牛
咸美頓/麥拿侖*
咸美頓/麥拿侖*
*當屆賽事假富士賽道舉行