雖然巴西尋日續缺騎士球星華拿祖，但喺艾蘭奴等多位外流土耳其嘅足球球星入場支持下，一開賽係威係勢，第1節領先美國28:22，不過「夢九」質素始終超班，最終憑「KD」杜蘭特射入全場最高嘅27分，加上巴西喺完場前射失兩個關鍵罰球，以及効力速龍嘅巴布沙最後一擊彈框，以2分之差反勝對手。賽後戴歷羅斯表示呢場波令佢大開眼界，比立斯亦認為今場為一班年輕球員上咗寶貴一課。今晚美國對伊朗只要贏波，就好大機會鎖定B組首名出線資格。