波士頓一間傳媒，近日踢爆印有「Beat L.A.」嘅毛巾，原來係由一間位於洛杉磯嘅毛巾公司製造，而呢間公司嘅老細柏圖維更係湖人忠心球迷。對於依家嘅處境，柏圖維覺得好搞笑。

員工因愛隊唔做嘢

據講塞爾特人之所以有咁嘅選擇，全因佢哋係唯一一間可以保證依時交貨嘅公司。單喺總決賽頭三回合，柏圖維就整咗8萬條毛巾畀「綠軍」，不過柏圖維話其實今屆總決賽對佢哋公司都有麻煩，事關佢哋都有整支持湖人嘅毛巾，但公司入面嘅湖人同塞爾特人球迷員工，都唔願意幫敵對球迷做毛巾：「呢次係我公司首次有員工因愛隊而選擇工作。」