其實格連戴維斯尋日之所以突然發威，關鍵在於湖人中鋒拜林一早傷出，不過呢名湖人球星賽後透露會趁嚟緊兩日空檔加速治療，有信心喺下個禮拜一嘅第5戰復出。
打咗12分鐘頂唔順
近排一直受右膝傷患困擾嘅拜林，尋日雖然最後成功通過體測以正選上陣，可惜打咗12分鐘就捱唔住，之後再冇返入球場。
賽後拜林話右膝仍然好痛，嚟緊會去睇醫生同做治療，希望趕得切喺第5戰披甲：「我依家的確有啲痛，但我已計劃下周一上陣。因為我覺得我有責任出場，我知塞爾特人會刻意對付我，令我唔打得，不過依家距離第5戰仲有兩日，我一定會準備好迎戰。」