個犯纏身冇表現

塞爾特人日前喺第2戰擊敗湖人後，本來只要係嚟緊3場主場都擊敗對手就可以奪標，但隨住尋日輸波，如果皮雅斯喺今個系列賽返唔到洛杉磯，就意味「綠軍」會喺主場畀湖人解決，賽後皮雅斯話唔後悔之前嘅言論，但就改口風一定要重返洛杉磯：「我對球隊今日輸波好失望，但呢啲係比賽一部分，我依家只係想贏冠軍，所以我哋一定要重返洛杉磯。」

皮雅斯尋日喺第3戰表現失準得15分，上陣時間更只有34分鐘，賽後皮雅斯歸咎太多個犯令佢斷斷續續比賽搞到失去比賽節奏。不過教練李華士就賴球證：「每次當皮雅斯上陣，球證就吹佢犯規搞到佢要返後備席，我覺得球證今晚唔係咁想畀佢比賽囉！」