提議波飛減價

奧巴馬日前接受訪問時表示，對塞爾特人今屆回勇感到意外，不過佢認為擁有高比拜仁、加素同積遜教練嘅湖人，可以進軍總決賽，並輕鬆解決「綠軍」：「我睇好湖人可以成功衞冕，我認為加素絕對係目前NBA最勁嘅內線球員，高比拜仁就係最強嘅鬥士，加上NBA史上最強教練積遜，呢個『鐵三角』實在好難對付。」

之後奧巴馬又讚太陽反亞利桑那州移民法做得好，同時又話巫師用狀元籤揀禾爾會有前途，最後更表示如果有日自己做NBA總裁，一定會減票價：「我覺得NBA波飛太貴啦！我知依家市民人工好高，波飛貴係正常，不過好多人有得入場睇波都係用團體名義，我希望全美所有職業運動都可以減少呢個現象。」