消息指占士係喺第4戰前發現一向性格古怪嘅隊友韋斯，竟然同自己阿媽歌莉亞占士一齊瞓。由於占士出生單親家庭，一向同阿媽相依為命，據講知道呢單嘢後既驚訝又憤怒，成為第4同第5戰只得22同15分嘅關鍵。聽到呢度，大家可能認為呢單嘢吹水居多，但據講目前全美各大球迷討論區都傾緊呢單嘢，而且大多數人認為呢則唔係笑話，係一單非常嚴肅嘅傳聞。

奧巴馬想占士過公牛

正因為呢單驚天大新聞，外間再傳勒邦占士季尾離開騎士機會愈嚟愈高，當中美國總統奧巴馬亦加入討論，希望占士過檔愛隊公牛。佢嘅顧問話：「奧巴馬唔係想影響占士嘅決定，但作為公牛球迷，總統認為占士着上公牛波衫會好襯。」究竟占士最後會花落誰家，大家真係要拭目以待！