騎士球星勒邦占士尋日正式領取常規賽MVP獎項，「大帝」以1,205分擊敗雷霆嘅杜蘭特（609分），成為繼米高佐敦等名將後，NBA史上第10位蟬聯常規賽MVP嘅球星。占士特別喺以前就讀嘅Akron大學發表得獎感受，當中特別多謝16歲就生佢嘅母親Gloria，以及已經為佢生咗兩個仔嘅女朋友Savannah。
不過，「大帝」講及得獎感受時，卻似乎暗示下季有意離隊：「Akron係我嘅屋企，每日我一起身都明白我唔止要為自己，仲要令城市發揚光大，我一定唔會離開『呢度』。」外間均認為「呢度」係指NBA，而唔係騎士。究竟占士季尾會唔會離隊？大家拭目以待吧！
