一班Angels喺「足球大龍鳳」主要負責開Show前嘅熱舞部分，佢哋喺容祖兒演唱會排舞老師High King教導兼日練夜練下，對舞步已經滾瓜爛熟。Janie好有信心話：「呢隻舞對我哋已經冇難度，真係好想快啲到30號表演畀大家睇呀！」阿Lo同埋阿Nie亦表示：「大家一齊練舞好開心，我哋已經好熟落，默契夾得好好。」

「足球大龍鳳」定於4月30日至5月2日喺九龍灣國際展貿中心地下展貿廳舉行，門票分$150同$100兩種，已經透過快達票公售。由於現場座位只得400個，班Angels叫大家快啲買飛，到時一齊入場玩到癲！