傷愈復出即刻打出水準嘅騎士中鋒「巨無霸」奧尼爾，雖然仍在為爭奪冠軍指環努力，但同時間原來佢已經準備好今年暑假嘅工作，就係推出佢嘅「Shaq VS」真人騷第2輯，今次唔只會挑戰運動明星，仲話會踩過界玩文藝競技添！
奧尼爾舊年暑假搞咗個「Shaq VS」真人騷，節目上佢先後走去挑戰其他體育項目嘅頂級運動員，諸如美國女子沙灘排球代表華舒同泰亞娜，美國飛魚菲比斯等，結果節目大獲好評。據聞當地電視台今次食過翻尋味，搵埋奧尼爾再添食，不過就決定玩玩新意思，加入文藝元素，例如去挑戰串字比賽，以及去同跳舞隊比「舞」，果然噱頭十足。