NBA常規賽尋日曲終人散,當中有好多紀錄都值得大家紀念,以下6個強人就紛紛達到佢哋事業上另一個里程碑。
尼爾遜 勇士教練
1.勇士教練尼爾遜喺4月8號帶領球隊擊敗木狼,取得執教生涯第1,333場勝仗,超越韋健士成為史上最多勝仗教練。
高比拜仁 湖人後衞
2.高比拜仁今季又達到一個新里程碑,就係超越英格利殊,升上NBA史上得分榜第12位。
杜蘭特 雷霆後衞
3.今季大熟大勇嘅杜蘭特成為NBA史上第3位連續28場都攞到25分以上嘅前鋒。
真寧斯 公鹿後衞
4.公鹿新秀真寧斯喺11月15號對勇士時獨取55分,成為68年後單場最高得分新人,同時成為NBA史上最年輕50+球員。
勒邦占士 騎士前鋒
5.勒邦占士今季先後成為史上最年輕攞13,000同14,000分球員,最後更超越高比,成為NBA史上最年輕「15,000分先生」。
韋迪 熱火後衞
6.韋迪助攻一樣掂,今季就超越前球會名將添夏達威(2,867次),成為熱火史上最多助攻球員。