魯域斯基好耐都冇試過咁威啦！皆因呢支「德國槍」尋日取得職業生涯第2次「大三元」，帶領小牛主場以109:93擊碎金塊，成功力保西岸二哥位置。

安東尼得10分

「德國槍」魯域斯基一向得籃板同得分，不過尋日對金塊，由於受對方夾擊，於是醒目頻頻交波造就隊友得分，最後取得34分10個籃板同10次助攻，闊別兩年後，再次取得「大三元」，賽後「基哥」非常得戚：「當我哋肯交波，就一定打到好波。」

贏波另一個關鍵，就係馬利安成功箝制金塊射手安東尼，令「小甜瓜」取得今季得分新低嘅10分，賽後金塊暫代教練丹特利一臉無奈：「我真係唔記得安東尼有冇試過打得咁差！」

放大圖片	放大圖片	放大圖片

小牛贏波後，拋離金塊1場半勝仗，繼續穩守西岸第二，不過由於爵士尋日亦贏紐約人103:98，小牛目前領先第3位嘅爵士只得半場勝仗，為咗奠定二哥位，聽日作客灰熊可以話不容有失，小讓3.5分上盤要捧！