本文重點
現年22歲的吳景聰，早於16、7歲已拜「轟炸機」門下，中三之後便投入社會，當過售貨員、侍應等工作的他，原來自細便是「武癡」。「我打泰拳之前係玩柔道嘅，中三後做咗1年嘢，儲咗啲錢就去跟師傅學嘢。後尾師傅問我，不如喺館打工，邊學邊做好唔好，梗係好！」
在師弟Matthew當日高舉勝利獎盃後不久，「阿聰」激戰5回合後，亦成功摘下擂台生涯首條冠軍腰帶。「我知道自己贏咗嗰一刻，其實係有啲唔開心，因為我好唔滿意自己嘅表現……但係點都好，好多謝師傅好肯教我，同其他支持我嘅朋友，thank you 晒！」「阿聰」謂。
人生離唔開泰拳
隨着灣仔分館的出現，令「阿聰」不時都要兩邊走，但他卻不覺辛苦，因為：「我份工、收入、興趣、人生目標都離唔開泰拳，就連我嘅女朋友都係喺館度識嘅，試問我又點會有怨言呢？」但話畢，「阿聰」則伺機向師傅申訴：「師傅！叫我做乜都冇所謂，但唔好再叫我喺示範或者訪問度扮色魔喇！我扮咗4次，我受夠啦！」