本文重點
3年前因Tony Jaa主演的電影，而決心學習泰拳的張家俊，當年在網上左揀右揀後，終去了位於山林道、向柏榮名下的WUnique報名。「我嗰陣時喺附近嘅寫字樓做文員，一得閒就會去操拳，我本身好鍾意做運動，所以好快上咗癮，由初頭一星期一次，之後幾乎日日去，唔打過唔安樂。」洋名Matthew的張家俊道。
唔打過唔安樂
就是這份對泰拳的熱誠，令Matthew獲得師母Eva賞識，安排他在館內邊學拳、邊學做教練。如今，Matthew從事泰拳教練工作已近兩年，肯做肯學的他由初級泰拳教練助理，晉升到現時的高級泰拳教練。
除教拳外，身為「轟炸機」入室弟子的張家俊亦有代表WUnique出賽，於今年1月9日上演的「香港泰拳冠軍爭霸戰」57公斤級B冠軍戰中，打足5個回合後以點數擊敗對手，獲泰拳生涯第一個大賽冠軍和「拳王」頭銜。不過，Matthew坦言並未滿足：「我之前只係打過4次大型比賽，所以就算贏咗都只係捧盃，未可以贏腰帶住；依家夠5場，希望快啲可以贏到人生第一條腰帶啦！」