雖然冇一級球星，不過荷福特尋日就率領「平民」鷹隊起革命，加時主場贏馬刺119:114提早取得季後賽資格，賽後球員出乎人意未有慶祝，因為佢哋相信仲有更大嘅成就等住佢哋攞！

終止對馬刺7連敗紀錄

鷹隊尋日主場贏馬刺嘅表現，可以話畀到佢哋充足理由爭取更大嘅目標，遠勝只係打入季後賽。因為佢哋尋日分別有馬雲威廉士（26分）等3名球員射入20分或以上，荷福特更有22分同18個籃板。其實鷹隊好多球員尋日都唔知贏咗馬刺後，已經提早攞到季後賽入場券，兼且終止對馬刺7連敗嘅紀錄。不過，祖莊遜就話佢哋根本唔關心呢啲紀錄：「打入季後賽只係我哋其中一個目標，但絕對唔係我哋最主要嘅目標，嚟緊仲有好多嘢等住我哋爭取。」

另邊廂，麥基迪尋日就首次倒戈火箭，雖然紐約人主場輸112:116，不過「T-Mac」嘅表現唔曳，有15分7個籃板同5次助攻，聽日紐約人主場對金塊受讓8.5分，下盤可以一試！

放大圖片	放大圖片	放大圖片