雖然魔術尋日冇比賽，但隨住山貓作客以94:99不敵溜馬，令魔術兵不血刃提早攞到季後賽資格，嚟緊目標係超越騎士，力爭東岸冠軍。

其實尋日只要山貓、熱火同公牛是但一隊輸波，魔術就可以提前進身季後賽，點知最後竟然3隊全部輸晒，但由於山貓係最早開波嘅一隊，所以好多傳媒都認為山貓係魔術攞到季後賽資格嘅「功臣」。

山貓尋日作客溜馬，本來想創球會最長7連勝紀錄，可惜由於喺8日內打第5場波，加上明星球員謝勒華萊士繼續缺陣，最後不敵溜馬。不過山貓主將史堤芬積遜賽後拒絕以賽程緊密作為輸波藉口，積遜指出：「球隊失利全因攻不銳、守不穩所致，同賽程頻密冇關。」

卡特直指東岸冠軍

講番魔術，雖然佢哋成功連續第4年攞到季後賽資格，不過主將卡特就表示嚟緊賽事唔會放軟手腳，相反更希望超越騎士，以東岸冠軍身份進身季後賽，所以聽日作客熱火讓1.5分，上盤仍然可取！

放大圖片	放大圖片	放大圖片