12/03/2010

播放本新聞相關短片

綠軍輸20分今季最羞家!

08年總冠軍塞爾特人繼上場輸畀公鹿後,尋日又再令球迷失望,喺主場以91:111大敗畀灰熊,足足輸成20分咁多,係球隊今季最羞家敗仗。「綠軍」持續低迷,睇嚟教練李華士要諗諗計至得。

小牛平最長連勝紀錄

呢場波灰熊由頭帶到尾,其中前鋒基爾攻入全場最高嘅28分,加上另外5位隊友得分達到雙位數,最後灰熊輕鬆大炒塞爾特人,錄得客場7連勝佳績。「綠軍」輸得咁羞家,教頭李華士賽後苦笑打圓場:「成場波我都黑面,聽到『比賽剩番2分鐘』嘅廣播時就最開心。」

有傳媒話李華士返到更衣室仲狂炳球員,聽朝佢哋主場出擊面對弱旅溜馬,睇嚟係一眾戰將發洩嘅最好機會,「綠軍」讓13.5分一於捧上盤!另外,西岸嘅小牛尋日以96:87輕取籃網錄得13連勝,追平今季聯盟最長連勝紀錄,真係恭喜晒!

真‧怒比利