小牛同巫師日前進行7人交易，當中以祖殊侯活交換巫師球星卡朗畢拿最轟動。小牛老將泰利為咗遷就畢拿，更唔介意打番後備：「點解我會為卡朗畢拿作出咁大犧牲？其實佢轉會已經要適應呢個新城市，我哋希望令佢感覺舒服啲，等隊波可以順利重上軌道。」

其實卡朗畢拿今次加盟小牛變化都幾大，首先佢要由打開嘅小前鋒轉打得分後衞，馬利安亦因為佢加盟要轉打大前鋒，最慘係魯域斯基同傑特啱啱仲打完明星賽，聽日作客6連勝嘅雷霆，睇怕都係輸多贏少。